Idman.az

«Yuventusun» yeni məşqçisi

5 iyun 2009, cümə, 6:47

Bu günkü məşqçi yerdəyişmələri xəbərləri bütöv İtaliyaya aiddir. FİFA rəsmi saytı xəbər verir ki, «Latsionun» baş məşqçisi Delio Rossi öz postunu tərk edəcək. 48 yaşlı mütəxəssis romalılarla dörd il idi ki, çalışırdı. Bu barədə məşqçinin özü bəyan edib.

RAI Italia xəbər verir ki, «Yuventus» öz qərarını Çiro Ferraranın üzərində saxladı və mütəxəssislə birillik müqavilə bağladı. Klaudio Ranyeri qovulanadək yığmada baş məşqçi köməkçisi işləmiş Ferrara Lippinin razılığını alandan sonra bütün diqqətini komandaya yönəldəcək. Onun köməkçisi turinlilərin daha bir keçmiş futbolçusu Ancelo Perutsi olacaq.

Channel4 xəbər verir ki, dünən axşam «Romanın» baş məşqçisi Luçano Spalletti Rozella Sensi başda olmaqla klub rəhbərliyi ilə görüşüb. Razılığa gəlinib ki, Spalletti müqavilənin sonunadək klubda qalacaq – yəni 2011-ci ilin yayına qədər. Xəbər verdiyimiz kimi, bu barədə klubun kapitanı Françesko Totti də bəyan etmişdi. Lakin futbolçu onu da qeyd etmişdi ki, bundan sonra «Roma» «İnterə» yetişmək üçün güclü transfer kampaniyası həyata keçirəcək. Lakin, deyəsən, kapitanın arzusu çin olamayacaq.

Belə ki, Spalletti klubun son illər həyata keçirdiyi transfer kampaniyası, – yəni bu sahədə, demək olar, fəaliyyətsik ilə tam şərik olduğunu görüşdə dilə gətirib. Rəhbərlik məşqçinin nəzərinə çatdırıb ki, «Romanın» ümdə məqsədi klubun maliyyə sahəsində vəziyyətini sabitləşdirməkdir. Hərçənd, Spalletti «Udinezedə» də, «Romada» da ortabab heyətlə maksimum nəticə göstərərək, gözəgəlimli futbol sərgiləməyi ilə diqqət çəkir.