Idman.az

Rusiya hava yolları «Aeroflot», İtaliyada başa çatmış yungül atletika üzrə Avropa çempionatından ölkə idmançılarını gətirməkdən imtina etdi

12 mart 2009, cümə axşamı, 19:47

Dünən «Aeroflotun» SU286 reysi ilə Turində başa çatmış zallarda keçirilən yungül atletika üzrə Avropa çempionatında 10 qızıl medala sahib olan Rusiya yığması vətənə qayıdıb. Ancaq tam heyətlə yox. Şirkətin Milana ezam olunmuş əməkdaşı iki idmançı – üçtullanışla Avropa çempionu Anastasiya Taranova-Potapovanı, maneələrlə 60 m məsafəyə qaçışda beşinci yeri tutmuş Anastasiya Solovyovanı və onların məşqçiləri Vladimir Tipayevi təyyarəyə buraxmaqdan imtina edib. Bu barədə Ümumrusiya yungül atletika federasiyasının mətbuat katibi Alla Qluşenko xəbər verdi.

«Bizi bütün heyətlə aeroporta gec gətirdilər. Sonra uzun müddət qeydiyyata düşdük: özünüz bilirsiz, atletlərin həmişə çoxlu baqajı, müxtəlif təchizatı olur, bircə hündürlüyə tullanma şüvülləri nəyə desən dəyər. Ancaq, buna baxmayaraq, hamımız qeydiyyatdan keçməyə müvəffəq olduq və təyyarəyə minməyə yollandıq. Əlbəttə ki, bütün ləvazimatlar özümüzdən ayrı, uçuğun yük yerinə göndərildi. Və artıq təyyarəyə minəndə, bu əməkdaş növbədə sonda duran iki idmançının önündə keçidi bağladı ki, «Siz isə gecikmisiz». Onlardan cəmi bir-iki saniyə əvvəl göyərtəyə daxil olmuş komanda üzvləri onu başa salmağa çalışdılar ki, bir bir komandayıq, Avropa çempionatından vətənə zəfərlə dönürük, ancaq bütün bunlar əməkdaşa təsir etmədi. Komandanın rəisi bircə ona nail ola bildi ki, yerdə qalan idmançılar və məşqçiləri Moskvaya sonrakı reyslə – yerli vaxtla 15:00 uçsunlar (bizimki 12:00 idi). Və ən maraqlısı o oldu ki, sonra düz bir saat təyyarənin içində gözlədik ki, göyərtəyə buraxılmayan idmançıların ləvazimatı tapılıb, özlərinə qaytarılsın! Çox müəmmalı vəziyyət alındı.

Mətbuat katibi sonra bildirdi ki, reysdən çıxarılan idmançıların və onların məşqçilərinin bəlaları bununla bitməyib: «Moskvaya uçub gələndən sonra xəbər tutduq ki, «Aeroflot» 15:00 reysinə də onları buraxmaxdan imtina edib. Deyiblər ki, onlar ancaq sabah 12:00 reysi ilə Moskvaya qayıda bilərlər, özü də biletləri gərək öz hesablarına alsınlar. Vəziyyət onunla mürəkkəbləşib ki, onların heç pulu da yoxdur. Onlar milan aeroportunda gecələməyə məcbur olublar, rəisimiz isə elektron biletlər sifariş verib. Bir xoşagəlməz hal da odur ki, bu gün onların saat 22-yə yaşadıqları Volqoqradada uçmağa bilet alıblar. Bir sözlə, çox qəribə və qanqaraldıcı vəziyyət alınıb. Sabah rəhbərlik hər şeyi ayırd edəcək».