Idman.az

Platini əlavə hakimlərin yeridilməsinə bir daha dəstək oldu

24 aprel 2009, cümə, 5:44

UEFA prezidenti Mişel Platini hakimlərə əlavə köməkçilərlə təmin edilməsi ideyasını təqdirəlayiq hesab etdi.

«Hamı razıdır ki, hakimlərə kömək etmək lazımdır. Futbol getdikcə tezləşir, futbolçular ağlasığmaz sürətlərlə hərəkət edirlər, və arabir elə təəssürat yaranır ki, «qara paltarlı insanların» işinin icrası sadəcə olaraq qeyri-mümkündür. Bəzi futbolçular elə zənn edirlər ki, onların rəqibləri əlləri ilə tutmağa və ya köynəyindən tutub çəkməyə hüquqları çatır. Buna görə cəzalananda isə, təəccüblənirlər. Simulyasiya da müasir fitbolun mütləq elementinə çevrilib.

Hakimlərə kömək lazımdır, ancaq biz bilməliyik ki, bu necə özünü büruzə verməlidir. Bəziləri videotəkrarlara baxmağı təklif edirlər – müasir texnologiyalar buna imkan verir, həmçinin digər idman növlərində bundan istifadə edilir.

Digərləri isə, o cümlədən mən, hesab edirlər ki, videotəkrarlar futbolu korlayacaq. Matçlar müntəzəm olaraq, bu və ya digər epizoda baxmaq üçün saxlanılacaq. Bəzən yavaş təkrar, və ya müxtəlif görüntülərdən baxmaq tələb olunacaq, hamı bilir ki, başqa bucaqdan vəziyyət tamamilə ayrı cürə görünə bilər.

Əlbəttə, insan gözü səhv edə bilər. Ancaq radioəlaqə hakimlərə bir-birləri ilə məsləhətləşməyə imkan verir, cərimə meydançasına diqqət yetirən əlavə göz cütü isə belə səhvlərin minimuma endirilməsinə kömək edər. Belə referilərə görə futbolçular cərimə meydançasında özlərini layiqli aparaq, bir-birlərini tutub-çəkməkdən vaz keçəcəklər. Həmçinin, əlavə referilərə görə, hakimlər briqadasının özünəinamı da yüksələcək. Biz bu yeniliyi ötən il sınaqdan keçirmişdim, indi isə bunu artıq yüksək səviyyədə yeridəcəyik», – deyə Platini təşkilatın rəsmi saytına bəyan edib.