Idman.az

Pepe: «Mən «Osasunanın» oyunçusuna qarşı cərimə meydançasında qayda pozduğumu etiraf edirəm»

22 yanvar 2009, cümə axşamı, 17:36

«Realın» portuqaliyalı müdafiəçisi Pepe İspaniya primerasının 19-cu turu çərçivəsində (3:1) «Osasunanın» yarımmüdafiəçisi Xuanfranın ədalətsiz şəkildə qovulduğu epizodda qaydaları pozduğunu etiraf etdi.

«Mənim nəzərimcə, cərimə meydançasında topuğuna ilişərək mən «Osasunanın» oyunçusuna qarşı qaydaları pozmuşam, buna görə də hakim penalti təyin etməli idi. O biri tərəfdən başa düşməliyik ki, hakimin qərar qəbul etməyə bir neçə saniyəsi var və o səhv edə bilər.

Bilirəm ki, Xuanfran əslən madridlidir, «Realda» çıxış edib və klubumuza azarkeşlik edir, ancaq futbol meydançasında bunlar ikinci plana keçir. Hamı qarşısında ondan belə şeylərin baş verdiyinə görə üzr istəyirəm. Ümid edirəmi o başa düşür ki, meydanda mən birinci növbədə komandamın maraqlarını qoruyuram.

«Osasunaya» müvəffəqiyyətlik arzu edirəm ki, bu klub primerada qalsın, çünki onun heyətində çox yaxşı futbolçular yer alıb», – АР Pepedən sitat gətirir. Öz növbəsində Xuanfran bəyan etdi ki, Pepeyə qarşı heç bir ədavət hiss etmir.

«Pepeyə etirazım yoxdur, təkcə istəmirəm hamı fikirləşsin ki, penalti qazanmaq xatirinə qayda pozuntularını simulyasiya etmişəm, çünki mənim heç bir belə niyyətim olmayıb. Yaxşı ki, Pepe bunu boynuna aldı.

Hesabımdan vərəqəni silən federasiyanın qərarına gəlincə, onunla qismən razıyam, çünki məni birinci epizodda da yıxmışdılar və birinci vərəqəni də silmək lazım idi.

Pepeyə və komandasına müvəffəqiyyətlər, ümid edirəm ki, «Real» «Barselonadan» olan fərqi aradan götürəcək və çempion olacaq», – deyə «Osasunanın» yarımmüdafiəçisi bəyan etdi.