Idman.az

Oleq Maskayev: «Vitali, qaçıb gizlənə bilməzsən»

28 fevral 2009, şənbə, 18:58

Superağırçəkili Vitali Kliçkonun WBC tituluna mütləq namizəd statusunun sahibi Oleq Maskayev (Qazaxstanda anadan olub, ancaq eyni zamanda Rusiya və ABŞ vətəndaşıdır) ukraynalını WBC təşkilatına təzyiq etməməyə və onunla görüşdən çəkinməməyə çağıran açıq məktubla müraciət edib.

«Hörmətli Vitali, gəl bu çəkişmələrə son qoyaq. Yaxşı olar ki, Silahlı qüvvələr birinciliyində mən səni elə birinci raunddaca nokauta saldığım ilk görüşümüzü xatırlayasan.

2006-cı ilin avqustunda, mən dünya çempionu olandan və müvəffəqiyyətlə dekabr ayında titulumu qoruyandan sonra, sənin nümayəndələrin promouterim Denis Rappoportla əlaqə saxlayaraq, WBC təşkilatının sənə fəxri çempion statusu verdiklərini xəbər vermişdilər və buna görə də ləngimədən mənimlə çempionluq titulu uğrunda döyüşü tələb etməyə hüququnun olduğunu vurğulamışdılar. Mən buna razı oldum.

Hansı boksçunun, sənin və ya Dem Piterin mənimlə ilk əvvəl döyüşməyə hüququ olduğu ilə mürəkkəbləşən danışıqlar zamanı mən öz fikriki dəyişməyərək, sənin namizədliyini dəstəkləyirdim. 2007-ci ilin aprelində НВО telekanalı bizim döyüş üçün müqavilə bağlamağımızın kənar müddətini təyin etdi. Mən müqaviləni imzaladım, sən isə niyəsə fikrindən daşınaraq, döyüşə vaxtının olmamasını səbəb gətirərək, hələ də müqaviləni imzalamamısan. Bəs bu axır dörd ayda nə ilə məşğul olmusan? Mən 2006-cı ildə döyüş zamanı aldığım dirsək zədəsi ilə bağlı mürəkkəb əməliyyat keçirdim, bundan sonra bərpa kursu keçdim və yenə də döyüşü keçirməyə hazır idim.

Sən iddia edirsən ki, titulunu dalbadal iki dəfə qorumağa borclu deyilsən, ancaq məhz bunu WBC məndən də tələb etmişdi. Onda sən bunun əleyhinə çıxmamışdın və deməmişdin ki, WBC təşkilatının bu hərəkəti qeyri-qanunidir.

Sən deyirsən ki, Arreola, Hey və ya Dmitrenko ilə görüşmək istəyirsən, ancaq onların heç biri reytinqin birinci onluğundan olan boksçuya qalib gəlməyiblər.

Bilmirəm, hansı səbəbə görə sən mənimlə döyüşdəm çəkinirsən. Bəlkə ona görə ki, müəyyən bir boksçu başqasının açarını bilir... Mozli De La Hoyyanın və ya Forrest Mozlinın olan kimi. Onlar rəqiblərini həvəskarlarda da qalib gəlirdilər, peşəkarlarda da onlarda üstün olublar. Vitali, mən sənə necə qalib gəlməyin yolunu bilirəm. Mən sənə həvəskarlarda qalib gəlmişəm, və cəsarətin çatıb, mənimlə rinqə çıxsan, bunu təkrarlayacağam.

Piterlə görüş ərəfəsi mən karyeramda ilk dəfə mürəkkəb bel zədəsi almışdım. İndi isə tamamilə sağlamam. Və tamamilə sağlam Oleq Maskayev çox təhlükəli rəqibdir. Mən sənə bir boksçu kimi hörmət bəsləyirəm, və sən hər şey edə bilərsən, danışıqlara vasitəçiləri çağıra, məhkəməyə gedə, Allaha yalvara bilərsən, ancaq yadından çıxarma, Qomesi udsan, mənimlə görüşməmiş heç kimlə döyüşə çıxa bilməyəcəksən.

Vitali, döyüşə çıx. Mən səninlə Rusiyada, ABŞ-da və hətta sənin vətənində də döyüşə bilərəm. Gəl bunu edək», – Eastsideboxing.com Oleq Maskayevdən sitat gətirir.