Idman.az

Necə də cavan idik...

11 aprel 2009, şənbə, 0:12

İspan futbolu üzrə jurnalist Yevgeni Şuvayev sports.ru saytındakı bloqunda Marca qəzetinin maraqlı fososessiyası haqda xəbər verib. Zəmanənin ulduzları necə dəyişdirdiyini birlikdə müşahidə edək.

Şəkillər arasında zaman fərqi təxminən səkkiz ildir. Solda – Xixon «Sportinqində» David Vilyanın keçirdiyi ilk peşəkar karyerası vaxtı çəkildiyi foto, sağda – «Valensiyanın» heyətində mart ayında keçirdiyi məşq zamanı.

«Xeresdən» olan 20 yaşlı cavan oğlanda 2007/08 mövsümünün ən yaxşı bombardiri 29 yaşlı Daniel Quisanı tanımaq heç də asan deyil.

Bu şəkillər arasında fərq isə düz on ildir. Bu zaman ərzində Mançester fanatlarının pərəstişkarından Devid Bekhem futbolçunun idman çərçivələrindən çıxaraq mümkün olan bütün «ulduzluq» sərhədlərini fəth etməkdə inqilab yaratdı.

Soldakı Ronaldo – onun 1996-cı ilin yayında «Barselona» köynəyini ilk dəfə geydiyi təqdimat mərasimində. O vaxtdan ötdüyü illər ərzində dişlərindəki aranı yoxa çıxaran Ronaldo, başındakı tüklərin və əlavə çəkinin əmələ gəlməsinə mane ola bilməyib.

Barselonanın ən populyar komandasının kapitanı Raul Tamudo fotolar arasında ötən 12 il ərzində öz peşəkarlığına şübhə yeri qoymur.

Ötən doqquz il Fabio Kannavaroya zahirən təkcə saç düzümündə dəyişiklik gətiribsə, bir futbolçu kimi müdafiə oyununun hamı tərəfdən qəbul edilmiş etalonuna yaxınlaşıb.

Ötən doqquz il ərzində «Sevilyanın» yarımmüdafiəçisi Xesus Navas hətta saç düzümünü belə qorumağa müvəffəq olub. Onun tükürpəşdirici «Mən bilirəm, siz keçən yay neyləmisiz…» baxışından heç danışmağın yeri yoxdur.

Florentino Peresin hiyləgərcəsinə qıyılan gözləri sifətinin həm şən (9 il əvvəl «Reala» prezident seçilərkən), həm də qəmgin (keçən il oğlunun dəfn mərasimində) ifadə almasına baxmayaraq, həmişə hamını birtəhər edir. Təsadüfi deyil ki, bu zorlu qoca yenə də kral klubunun prezidenti olmaq istəyir.

«Bəbə sifətli qatil» Fernando Torres illər ötdükcə, buraxdığı təəssüratın və əməllərinin təzadlılığından istifadə etməkdə daha da ustalaşıb.

Ötən doqquz il ərzində «Qremio» (solda) və «Milanın» (sağda) yarımmüdafiəçiləri Ronaldinyo öz gülərüz sifatindən başqa çox az xüsusiyyətlərini (birinci növbədə futbol) qoruyub saxlaya bilib.

Kral klubunun heyətində debüt etdiyi dövrdən ötüb keçdiyi 14 il ərzində Raul «məhəllə uşağından» Madrid klubunun, deyilənə görə, əsas söz sahiblərindən birinə çevrilib.

12 il keçəndən sonra Joze Mourinyo bir vaxtlar geydiyi «Barselona» formasındakı gerbə və saxladığı kəkilə necə də tərs-tərs baxır.

Yazıda qeydə alınan rekord 16 illik fərq Luis Araqonesə eynək geyindirib, üz qırışlarını çoxaldıb və tamamilə ağsaqqala çevirərək, məşqçidən əsl El Sabio edib.

Çox da inandırıcı görünməsə də, hər iki fotodakı oğlan – Pedro Munitisdir. Kim deyər...

Yaz-qış (və ya başqa sözlərlə, 11 illlik fərq), deyəsən, Moryentesin üstündən ötmür. Elə təəssürat yaranır ki, sağdakı foto da kral klubunun heyətində oynadığı dövründə çəkilib, təkcə bir az saçını uzadıb.

Kapello da bu zəmində ispandan geri qalmaq fikrində deyil, hətta onu ötüb keçir də. İllər (12 dənə il) ötdükcə, don Fabionun sifət cizgiləri ancaq təravətlənir.

Yəqin ki, bir çoxları Santyaqo Kanisaresin Madrid «Realında» oynamağını da, onun saçlarının əsl rənglərini də unudub. Ancaq 12 il əvvəl ekstravaqant qapıçı məhz belə idi.

Deyirlər, ağıllı baş saç saxlamaz. Bəlkə də, əfsanəvi Zinedin Zidanın «təbii baş örtüyünün» 11 ildəki təkamülü kimlər üçünsə buna sübut olar.

İker Kasilyasın «Realda» debüt etdiyi ilk matçı çıxmaq şərti ilə, məşqçi heyətinin cavan qapıçıya etimad göstərməyinin düzgün addım olmağı çoxdan sübut olunub. 10 il keçəndən sonra artıq qolkiperin özü bütün hücumçuların arxayınlığna şübhə səpir və bu arada kral klubunun rekorlarını qırır.

11 il əvvəl David Albelda karyerasının uğurlu illərini yaşayırdı. İndi, qınaq dolu baxışlarla «Valensiyanın» futbolçusu kimə baxır, görən. Zədəyə görə yığma komandanın heyətində mövqeyini, yəqin ki, həmişəlik Markus Sennaya uduzduran taleyinəmi?

Ötüb keçən altı il ərzində Dani Alves dəlləyə getməyə də imkan tapıb, ancaq özünəməxsus qulaqları önümüzdə məhz «Barsanın» yeni futbolçusunun olduğuna şübhə yeri qoymur.

Cómo hemos cambiado («Necə də dəyişmişik») adlı bötüv fotoalbom Marca qəzetinin internet səhifəsində baxmaq mümkündür