Idman.az

Moratti və Laporta İbrahimoviçə dair görüş keçiriblər

6 iyun 2009, şənbə, 4:51

Channel4 xəbər verir ki, «Realın» prezidentinin məsləhətçisi Zinedin Zidan təsdiq edib ki, Kaka Madrid klubuna transfer edilib.

«Bəli, Kaka artıq «Realla» müqavilə bağlayıb. Mənim çıxış etdiyim «5» nömrəsini götürsə xoşbəxt olaram. Bununla əlaqədar heç bir qısqanclıq hissi keçirmirəm.

Prezidentimizin yerində olsam, həmçinin Zlatan İbrahimoviçə də nəzər yetirərdim. O «İnterin» skudetto qazanmasında böyük rol oynayan gözəl futbolçudur. Zlatan komandanın görünüşünü dəyişmək iqtidarında olan nadir oyunçulardandır», – deyə Zizu qeyd edib.

Xatırladaq ki, «Barselona» da İbrahimoviçə dair ciddi fəaliyyətə başlayıb və xəbər verilirdi ki, kataloniyalılar Eto'О-nu isveçli hücumçuya dəyişmək istəyirlər.

Və elə dünən kütləvi informasiya vasitələri «İnterin» sahibi Massimo Moratti ilə «Barselonanın» prezidenti Joan Laportanın gizli görüşündən fotoşəkillər çap ediblər. Əlacsız qalan prezidentlər görüşdüklərini boyunlarına alsalar da, detallara varmaqdan imtina ediblər.

«Bu iki dostun birgə naharı idi. Eto'О-nun İbrahimoviçə dəyişdirilməsini təsəvvürümə gətirə bilmərəm», – Channel4 Morattidən sitat gətirir.

Fanatik xəbər verir ki, «Fənərbaxçanın» yeni baş məşqçisi Kristof Daum «Bayerin» yarımmüdafiəçisi Trankilyo Barnettanın alışında maraqlıdır. İsveçrə yığmasının futbolçusu istanbulluların bir nömrəli transfer məqsədidir. «Fənərin» prezidenti Əziz Yıldırım artıq Sürixə yollanıb və futbolçunun alışını razılaşdırmaq niyyətindədir.