Idman.az

Günün transfer xəbərləri - hissə 1, İngiltərə

2 may 2009, şənbə, 18:41

İngiltərə mətbuatının sözlərinə görə, «Liverpul» Rusiya OMİK-inin yarımmüdafiəçisi Yuri Jirkov uğrunda mübarizə girişməyə hazırdır. Məlum olduğu kimi, «Çelsi» də rusiyalı sağ cinah futbolçusunu öz heyətində görmək istəyir, ancaq görünür, mersisaydlılar rəqiblərnin güclənməyinə sakit baxmayaraq, futbolçu üçün 15 milyonlarından keçməyə hazırdırlar.

Öz növbəsində, «Arsenal» da yay transferinin dövrünün əsas məqsədi ilə müəyyənləşib. Deyilənə görə, Arsen Venger «Blekbörnün» futbolçusu Roke Santa Krusu öz komandasında görmək istəyir. Ondan ötrü «topçular» 12 milyon funt verməyə razıdırlar. Əgər bu keçid baş tutsa, deməli «Arsenalı», çox güman ki, Adebayor tərk edəcək. «Milan» toqolu ilə ötən ildən ciddi maraqlanır və artıq gələn mövsümdən Emmanuelin Milan klubunun formasını geyinməsi heç kimi təəccübləndirməz.

«Mançester Siti» isə «Valensiyalı» David Vilyaya olan marağını açıq-aydın büruzə verir. İngiltərə mətbuatı xəbər verir ki, ispaniyalı forvard üçün mançesterlilər 35 milyon funtlarından keçməyə hazırdırlar. Yeri gəlmişkən, klubun ərəb sahibləri «Bayernli» Riberidən də əl çəkmək istəmirlər, baxmayaraq ki, «Barselona» alman klubuna fransız futbolçu üçün 25 milyon avro və Hleblə Qudyonssendən birini təklif edir.

«Mançester Yunaytedin» də Kərim Benzema üçün ödəməyə razı olduğu məbləğ məlum oldu. Ötən il fransız klubunun öz əsas hücumçusu üçün təyin etdiyi 40 milyon funta razı olmayan mankunianlar, bu il 30 milyon funtluq təkliflə müraciət edəcəkləri gözlənilir. Bu arada isə mançesterlilərin forvardı Karlos Teves mövsümün sonunda klubu dəyişəcəyini bəyan edib.

«Bu il çox vaxt meydana çıxmamışam, bu isə məni heç qane etmir. İndi deyə bilərəm ki, vəziyyət elə alınıb ki, gələn mövsümü mən başqa komandada başlayacağam. İstərdim ki, bu İspaniya olsun. Hərçənd, heç bir kluba hələlik üstünlük vermirəm», – The Guardian futbolçunun İspaniyanın Cadena Cope radiostansiyasına verdiyi müsahibədən sitat gətirir.