Idman.az

Endi Mürrey: «Antidopinq komissiyasının üzvü mənim necə analiz verdiyimə tamaşa edirdi»

7 fevral 2009, şənbə, 3:32

Britaniyalı tennisçi Endi Mürrey bu il yanvarın 1-dən qəbul edilən antidopinq qaydalarını dəhşətli adlandırdı.

«Bu lap əjdaha kimi qaydalardır. Onlar idmançıların adi həyatla yaşamaq hüquqlarını əllərindən alır.

Avstraliyadan gələn kimi, bu oğlanlar səhər saat 7-də evimdə peyda oldular. Yuxudan oyananda heç harada olduğumu da təsəvvür etmirdim. Bu həm də uzun uçuşdan sonra olan yorğunluğun əlaməti idi. Ən gülməlisi isə əvvəlki nümunənin məndən cəmi 4 gün qabaq – elə Melburnda uduzandan dərhal sonra alınması idi.

Antidopinq xidmətinin nümayəndəsi ən əvvəl məndən şəxsiyyəti təsdiq edən sənəd təqdim etməyi xahiş etdi. Sonra isə üstündə durdu ki... bilmirəm, ədəbi formada necə deyim... mən aşağı salınmış tumanla analiz verdiyimə baxsın. Yenə də sonra üstündə durdu ki, bütün bu işlərin mənim evimdə baş verdiyinə baxmayaraq, mən şəxsən öz ev ünvanımı qeyd edim», – deyə dünya reytinqinin dördüncü nömrəsi öz təssüratları ilə bölüşdü.

Qeyd edək ki, yeni ildən başlayaraq, idmançılar özlərinin hər gün ən azı bir saat olduqları yer haqqında məlumat verməlidirlər. Bu tələb bütün idman növlərinə sirayət edir və antidopinq xidməti tərəfindən gözlənilməz yoxlanışlar üçün nəzərdə tutulur. 18 ay ərzində 3 dəfə nümunə verilməsindən qaçan hər kəs idmandan iki il müddətinə kənarlaşdırılacaq.