Idman.az

«Çelsi» Samsung-la əlaqələri pozur, Usmanov isə «Arsenalın» borclarını ödəyir

15 may 2009, cümə, 6:18

The Guardian xəbər verir ki, Londonun «Çelsi» klubu Samsung şirkəti ilə əməkdaşlığı pozaraq yeni sponsor axtarışına çıxa bilər.

Komandanın köynəklərindəki yazıya görə hər il 11 milyon funt əldə edən «Çelsi», bu ödənişləri artırmaq istəyir. Ancaq Samsung-un bu addıma getmək istəmədiyi bildirilir.

Danışıqlar üçün dedlayn iyunun sonuna təsadüf edir. Əgər o vaxta qədər razılaşma əldə olunmasa, «Çelsi» yeni sponsorun axtarışlarına başlayacaq.

Xəbər verdiyimiz kimi, Arsen Venger «Arsenalın» ən böyük səhmdarlarından olna Əlişer Usmanovun köməkliyi ilə yeni futbolçular almaq fikrindədir. Usmanov bu yöndə əsas məqsədin klubun yığılıb qalan borclarını üzməkdə görür.

«Əsası klubun özü-özünü yedizdirməklə yanaşı, İngiltərə və Avropada yüksək səviyyədə rəqabətə davam gətirə bilməsidir. Klubun borcları bu yolda əsas maneədir. Əgər klub rəhbərliyi lazım bilsə, biz onu üzməyə köməklik göstərə bilərik. Hesab edirik ki, biletlərə qiymətln artırılması vəziyyətdən çıxış yolu deyil», – deyə Usmanova tabe olan Red and White Holdings Limited şirkətinin nümayəndəsi qeyd edib.

Ötən il «Emireytsə» olan biletlər 4,5 faiz qalxsada, bu il bu addıma gedilməyəcəyi gözlənilir.

«Arsenalın» 25 faiz səhmlərinə sahib olan Əlişer Usmanov klubun ikinci ən böyük payçısıdır. Maraqlıdır ki, milliyətcə özbək olan (onun müəyyən dairələrdə ləqəbi də «özbəkdir») Usmanov, özünün birmənalı olmayan ad-sanına görə, uzun müddət qərb biznesinə girişə bilməyib və buna görə də «cəmi» 1 milyard dollarırlıq varidatı ilə məşhur rus oliqarxları arasında ilə «ən kasıbı» hesab edilir. Məsələn, o hələ cavan ikən 1980-cı ildə zorlama və şantaj ittihamları ilə 8 illik həbs cəzasına məruz qalıb (düzdür, bunun cəmi 6 ilini yatıb), atası isə buna görə Özbəkistanda tutduğu vəzifədən (baş prokuror) qovulub. «Dəli-qanlı» 90-cı illər də Usmanova heç də təmiz ad-san qazandırmayıb. Onun o vaxtların ən məşhur quldur dəstəsi olan «solntsevtski» qruplaşmanın lideri «Mixas» ləqəbli Serger Mixaylovla, «Yaponçik» ləqəbli Vyaçeslav İvankovla, «Tayvançik» ləqəbli Əlimcan Toxtaxunovla, «Aver» ləqəbli Viktor Averinlə, «Hoca» ləqəbli Hocamet Nuxayevlə, həmçinin Orta Asiyadan Rusiya və Avropaya narkotiklərin daşınması işinə baxan həmvətənləri «Qafur» ləqəbli Qafur Rəhimovla, «Səlim» ləqəbli Səlim Abdulvəliyevlə yaxın əlaqələri olduğu bildirilir, həmçinin 1996-cı ildə çeçen qruplaşmalarına aid yüz milyonlarla dolların banklarda öz adına saxlaması deyilir. Qeyri-rəsmi məlumatlara görə, Usmanov hələ də Moskvanın özbək icmasının xəzinədarı olaraq qalır.