Idman.az

«Barselonanın» «Mançester Yunayted» haqda fikirləri

27 may 2009, çərşənbə, 6:35

«Barselonanın» rəsmi saytındakı yazını təqdim edirik.

Çempionlar liqasının Qrand-finalı. Avropanın, yəqin ki, ən yaxşı komandalarının üz-üzə gəlməsi bizə unudulmaz qarşıdurma ilə yanaşı, iki əsas ulduz – Lionel Messi və Kriştianu Ronaldunun parlaq duelini bəxş edəcək. Hansı komanda qalib gələcəksə, onun oyunçusu da dünyanın ən yaxşısı tituluna sahib çıxacaq. Hərçənd, finalın taleyini daha kiçik detalların həll edəcəyini yəqin etmək çətin deyil.

Hər iki komanda topla oynamağı çox sevir. «Barsa» həmişə belə oynayır, Ferqyusonun komandası isə, yəqin ki, təşəbbüsü rəqibə verməyə məcbur olacaq, lakin topu götürən kimi, öz cəld əkshücumları ilə rəqibi yaxalamağa çalışacaq.

Komandaların heyətlərində sürpriz isimləri çətin ki, tapacayıq. «Mançester Yunaytedin» yeganə dərd-səri diskvalifikasiya olunmuş Fletçeri əvəz etməkdir – bu ya Skoulz, ya da ki, Giqqz olacaq. «Barsa» üçün problem – Abidal və Alveşin yerini doldurmaqdır.

Adətən «Yunayted» 4-3-3 sxemi ilə çıxış edir, lakin topu itirən kimi, bu 4-5-1 çevrilir, yəni ki, kənar hücumçular geri çəkilərək, müdafiəyə kömək edirlər.

Qapını ikinci gəncliyini yaşayın hollandiyalı qolkiper Edvin van der Sar qoruyacaq. Onu təqdim etməyə ehtiyac yoxdur – çox güclü qapıçıdır, özü də həm əli, həm də ayaqları ilə gözəl oynaya bilir.

Müdafiənin sağ cinahı irlandiyalı О’Şiyə tapşırılacaq – təmkinli lateral, mövsüm ərzində Nevilli də, Braunu da heyətdən sıxışdıra bilib. Ferdinand və Vidiçin timsalında müdafiənin mərkəzi doğrudan da çox gözəl təsir bağışlayır. Hər ikisi əzmkar, güclü, havada yaxşı oynayan, oyunu oxuya bilən və bir-birlərini gözəl tamamlayan müdafiəçilərdir. Hərçənd, onların kiçicik bir problemləri var, əsasən də Vidiçin – müdafiə zonasından topu tez çıxara bilməmələri. Solda Avropanın ən güclü sol lateralllarından hesab edilən Patris Evra çıxacaq.

Məlum olduğu kimi, komandanın tarazlığını yarımmüdafiə təmin edir və mükəmməl texnikaya sahib Maykl Kerrik öz daimi yerdiyişmələri hesabına meydanın mərkəzinin əsas taktiki fiqurlarındandır.

Hücumda sağda Park, solda Runi oynayacaq. Yarımfinalda da belə idi, Roma da eyni hal təkrarlanacaq. Hər ikisi fədakar və müdafiəyə çox kömək edən futbolçulardır. Topu ələ keçirmək lazım gələndə onlar laterallara qoşularaq, komandaya rəqib üzərində sayca üstünlük qazandırırlar. Onlardan əsas Runi təhlükəlidir, çünki çox gözəl zərbəyə malikdir.

İrəlidə Kriştianu Ronaldu çıxış edəcək. Çətin ki, onu bir konkret mövqedə görək. Onun üstünlüyü – meydanboyu yerdəyişmələrdə tamamilə azad olması və yoldaşlarının paslarına daimi açılmasıdır. O, tarazlığı pozan və mükəmməl zərbəsi, başla gözəl oyunu və driblinqi hesabına hər tərəfdən təhlükə gətirə bilən futbolçudur.

«Yunaytedin» sərgilədiyi oyunun iki cəhəti diqqəti cəlb edir. Birincisi – topun rəqin qapısına çatdırılma sürəti. Ən adi misallardan biri – «Arsenalın» qapısına Ronaldunun keçirdiyi qol – komanda 3-4 ötürmə hesabına topu hücumçuya çatdırdı, o isə, öz növbəsində, işini uğurla yerinə yetirdi.

İkinci cəhət – Ronaldunun qazandığı cərimə zərbələri. Portuqaliyalı futbolçu özü qazandığı cərimə zərbələrini özü də yerinə yetirir. Və bu işdə (həm fol qazanmaq, həm də zərbəni yerinə yetirmək bacarığı) o özünü əsil usta kimi nümayiş etdirib.

Buna görə də, onlara uğurla müqavimət göstərmək istəyən komanda, ilk növbədə bu iki cəhətin həyata keçirilməsinin qarşısını almalıdır – birincisi, topu itirən kimi pressinq tətbiq etməli, ikincisi, cərimə meydançası yaxınlığında mümkün qədər qaydaları pozmamalı.