Idman.az

Arşavin «Arsenala» onun kimi futbolçuları almağı məsləhət gördü

20 may 2009, çərşənbə, 3:53

«Realın» yarımmüdafiəçisi Quti, klubun prezidentli olmağa namizədliyini verən Florentino Peresə dəstəyini bildirib.

«Hamımız bilirik ki, bir vaxtlar Peres klub üçün böyük işlər görüb. Ümid edirik ki, onun gəlişi ilə biz titullar uğrunda yeni yürüşə başlayacağıq. Aparıcı futbolçularımız Madriddə qalacaqlar. Ümid edirəm ki, Kaka, Kriştianu Ronaldu və Messi «Reala» keçəcəklər. Dünyanın ən yaxşı futbolçuları Madriddə çıxış etməlidirlər», – Cuatro Qutidən sitat gətirir.

«Arsenalın» hücumçusu Andrey Arşavin isə trofeylər qazanmaq üçün klubun həyata keçirəcəyi transferlərin keyfiyyətləri barədə söz açdı.

«Biz bu yay güclənməliyik. Özü də nə vaxtsa gələcəkdə lider olması güman edilənlərlə yox, komandaya indi lazım olan hazır oyunçularla. Yəni ki, mənim səviyyəmdə futbolçularla. Hesab edirəm ki, iki və ya üç futbolçu alınacaq. Əgər «Arsenal» qalib gəlmək istəyirsə, mütləq güclənməlidir. Hər bir gənc futbolçu böyük komandanın bir hissəsi olmaq istəyir. Ancaq nə qədər vaxt biz torfeylərsiz qalsaq, güclü gənc futbolçuların «Arsenalın» tərkib hissəsi olmaq arzusu da bir o qədər azalacaq», – Eurosport Arşavindən sitat gətirir.

Bu arada, «Yuventus» İtaliya yığmasının kapitanı Fabio Kannavaro ilə anlaşdığını rəsmən təsdiq etdi. 35 yaşlı futbolçunun Madrid «Realı» ilə müqaviləsi bu yay başa çatır, klub isə yenisini imzalamaq təklifi ilə müraciət etməyib. İtaliya futbolunda 2006-cı ildə baş qaldırmış korrupsiya qalmaqalından sonra B seriyasına göndərilmiş Turin klubu ilə yollarını ayıran Fabio Kannavaro, öz köhnə-təzə klubu ilə birillik müqavilə imzalayıb.

«Uiqanın» yarımmüdafiəçsi Antonio Valensiyanın agenti maraqlı açıqlama ilə çıxış edib. SkySports xəbər verir ki, agentin sözlərinə görə, Madrid «Realı» İngiltərə klubuna futbolçuya görə təkliflə müraciət edib.

«Uiqan» Valensiyaya dair artıq bir neçə klubdan təklif alıb. Deyə bilərəm ki, hələlik ən ciddi və maraqlı təklif «Realdan» gəlib, «Mançester Yunaytedin» marağı isə hələlik konkret deyil», – deyə agnet Errera bəyan edib.