Idman.az

Ançelotti aktyor imiş

4 iyun 2009, cümə axşamı, 6:44

Məlum olub ki, «Milanın» keçmiş və «Çelsinin» yeni baş məşqçisi Karlo Ançelotti vaxtilə filmlərdə çəkilib edib. Özü də, birisində yox. The Sun xəbər verir ki, Karlo üç filmdə çəkilməyə imkan tapıb, onlardan ən məşhuru isə 1983-cü ildə lentə alınmış «Don Kamillo» olub.

Ançelotti (şəkildə sağda) futbol matçı səhnəsində oynayıb – o mələklər komandasına qarşı mübarizə aparan şeytanlar komandasının üzvü olub. Yəni ki, Karlo mənfi personajı oynayıb. Filmin əsas qəhrəmanı isə əfsanəvi italyan aktyor Terens Hill olub.

«Bəli, bu filmdə şeytanlarla mələklər futbol oynayıb. Mən bu filmə çəkilməyimə görə çox şad olmuşdum. O dövrlərdən gözəl xatirələrim var, hərçənd Terens Hillə heç beş dəqiqə söhbət etmişəm», – deyə Ançelotti qeyd edib.

Şeytan rolu oynayan məşqçi isə yaxın iki həftəsini qadınlar üçün kilsədə keçirəcək, özü də artıq filmdə yox. Belə ki, «Çelsinin» keçmiş baş məşqçisi Qus Hiddink ona Hollandiyanın Vugge şəhərində yerləşən kilsədə ingilis dərslərini öyrənməyi məsləhət görüb. Channel4 xəbər verir ki, bu məktəbin tələbələrinin gündəlik dərsləri 10 saat davam edir və bu dili tez qavramağa kömək edir.

Hiddink qeyd edib ki, o özü də ingilis dilini bu kilsədə öyrənib, Karlo isə futbolçularla yaxın əlaqə qurmaq üçün onlarla eyni dildə səlis danışmağı mütləq faktor hesab edir.

Bu arada «Şaxtyorun» Avropa zəfərindən sonra «Bayern» başda olmaqla bir neçə klubların maraq dairəsinə düşən Dario Srnanı barda idmançıya xas olmayan hərəkət başında yaxalayıblar. Özü də, donetsklilərin kapitanını vətininin «Vecernji List» qəzeti ifşa edib.

Şəkillərdə aydın görünür ki, xorvatiyalı futbolçu bir əlində siqaret, o biri əlində pivə şüşəsi tutaraq əylənir.

Bu hadisənin daha böyük marağa səbəb olması cəmi iki gündən sonra dünya çempionatının seçmə matçı çərçivəsində Xorvatiya yığmasının evdə Ukraynanı qəbul etməsidir.

Barmen boynuna alıb ki, Srna bara tez-tez təşrif buyuran yeganə xorvatiyalı futbolçu deyil. Lakin, digərlərinin adı gizli olaraq qalır.